Berpirsê Navenda Ragihandina HSD’ê Mistefa Balî li ser hesabê xwe ya twîtterê ragihand ku kujerê Sekretera Giştî ya Partiya Pêşeroja Sûriyeyê Hevrîn Xelef hatiye girtin
Berpirsê Navenda Ragihandina Hêzên Sûriyeya Demokratîk (HSD) Mistefa Balî li ser hesebê xwe yê twîtterê têkildarî qetilkirina Sekretera Giştî ya Partiya Pêşeroja Sûriyeyê Hevrîn Xelef daxuyaniyek da. Balî da zanîn ku kujerê Hevrîn Xelef ji aliyê hêzên wan ve hatiye girtin.
Balî di peyama xwe de wêneyê kujer Hatim Ebû Şeqra parve kir û wiha got: “Hatim Ebû Şeqra, yek jê Hevrîn Xelef kujerê bi giştî 9 kesên sivîl ên li ser rêya M4’ê hatine qetilkirin e. Kujer Hatim Ebû Şeqra beriya ku tev li nav komên di bin kontrola Tirkiyeyê ku navê ‘Artêşa Niştimaniya Sûriyeyê’ li xwe kirine bibe, weke cîhadîstekî di nava El Qaîdê yê de cih girtiye.”
Hêjayî bibîrxistinê ye ku Hevrîn Xelef di 12’ê cotmeha 2019’an de li ser rêya di navbera Til Temir û Eyn Îsayê de rastî êrîşa çeteyan hat û bi hovane hate qetilkirin.
