HSD’ê da zanîn ku hêzên wan li Reqayê li dijî şaneyeke veşartî ya DAIŞ’ê operasyoneke taybet pêk anî û 6 çete hatin girtin. HSD’ê diyar kir ku her wiha gelek jinên DAIŞ’î yên reviyan jî li cem vê şaneyê bûn û hêzên wan gelek teqemenî jî bi dest xistine
Navenda Ragihandin û Çapemeniyê ya Hêzên Sûriyeya Demokratîk (HSD) daxuyaniyeke nivîskî parve kir û diyar kir ku hêzên wan li Reqayê li dijî şaneyên veşartî yên çeteyên DAIŞ’ê operasyoneke taybet pêk anîne.
HSD’ê diyar kir ku yekîneyên wan ên ewlekariyê di 8’ê mijdarê de li Reqayê li dijî şaneyeke veşartî ya DAIŞ’ ê ku ev demek bû dişopand operasyoneke taybet pêk anîn. HSD’ê diyar kir ku di encama operasyonê de 6 çeteyên DAIŞ’ê hatin girtin û li gel van çeteyan gelek alavên teqemeniyê ku dixwestin li dijî gelek cih û saziyan bi kar bînin hatin girtin.
Di daxuyaniyê de HSD’ê destnîşan kir ku vê koma çete gelek jinên ku di encama êrîşên dagirkeriyê de reviyane jî li cem xwe digirt. Li gorî daxuyaniyê di operasyonê de şervanan dest danîn ser 29 telîsên TNT’ê ku nêzî 500 kîlo bûn, 61 mayin û 3 mayinên erdî, 3 rextên teqemeniyê, 28 mayinên destan, çekeka kaleşnîkofê, 2 çekên AKS’ î, bakareyeke Kortaks, 3 jarjorên kaleşnîkofê û 50 guleyên wê, 2 demance 8,5 mm û demanceyeke Glock.
Li gorî daxuyaniyê navên kesên hatine girtin jî wiha ne: “Y.H, M.H, H.H, H.C, A.X û M.D.”
