Şervanên HSD’ê jêdera topbarana artêşa tirk a li hemberî Dêrikê hedef girt. Hat zanîn ku di encama çalakiyê de wesayîteke zirxî hate rûxandin
Artêşa tirk a dagirker bi çekên giran êrîşî gundên nêzî sînor ên herêma Dêrikê ya Kantona Qamişloyê dike. Şervanên HSD’ê jî bi berxwedaneke mezin bersiv didin hêzên dagirker û jêderên topbaranê hedef digirin.
Li gorî agahiyên ji herêmê, şervanên HSD’ê jêderên topbaranê ya artêşa tirk a li hemberî Dêrikê hedef girt û di encamê de wesayîteke leşkerî ji cureya treks a artêşa tirk a dagirker hate rûxandin û wesayît bi temamî şewitî.
Dewleta tirk û çeteyên wê di heman demê de gundê Şewarxe yê navçeya Şera ya Kantona Efrînê topbaran dike. Çavkaniyên ji herêmê ragihand ku di encama topbaranê de heta niha bi dehan top li gund ketine. Topbarana li ser gund hê jî didome.
