HSDyî vera artêşa tirkî TSK û Artêşa Netewî ya Sûrîye de dest bi xebetnayîşê fuzeyê katyûşa yê ke verê cû Rayîrbejahîyê M4î ser de ronabî, kerd
Operasyonê Tirkîye yê vera vakur û rojhelatê Sûrîye roja 8ine de dewam keno. Hêrişê vera Girê Spî û Serêkanîyê ser giran bîyo û sînorê wirdî bajaran bîyo sey raşteyê şerî. Şervanê Hêzê Sûrîyeya Demokratîke (HSD) cewabanê giranan danî hêrişanê Hêzê Çekdarin yê Tirkî (TSK) û hêzê paramîlîter ke nameyê xo kerdî ‘Artêşa Netewî ya Sûrîye (ANS) ro û derbê giranî dîyenî înan ro.’
Serê xeta Eyn Îsa û Çelbî de vizêrî ra nata pêrodayîşêko şîdetin esto û herême bi hawayêko zêde yena bombardûmankerdene. Hêzê HSDyî bi çekanê girana cewab danî hêrişan. Komê TSK û ANSyî hêrişanê giran yê HSDyî vera tepîya anîcîyenî.
HSD dest bi xebetnayîşê fuzeyê katyûşa yê ke verê cû Rayîrbejahîyê M4î ser de ronabî, kerd
Heto bîn ra komê ANSyî hêrişê rejîmê Sûrîye yê ke serê Rayîrbejahîyê M4î yê Eyn Îsa ser de ronabî, kerdî. Hêrişê Eyn Îsaye de 3 leşkerê rejîmê Sûrîye cuya xo vindî kerdî û 10 leşkerî zî birîndar bîyî. GIRÊ SPÎ
