HSDyî eşkerayîyêka nuştekî da û da zanayene ke hêzê înan roja 16. yê Xoverdayîşê Rûmetî de derbê giradan dayî hêzê dagirkeran ro. Eşkerayîya HSDyî de ame vatene ke 44 çete û leşkerê tirkî ameyî kiştene
Merkezê Çapemenîya Hêzê Sûrîyeya Demokratîke (HSD) bîlonçoya 24 saetanê pêyenan eşkera kerde. Eşkerayîye de ame vatene ke sere de Eyn Îsa û Dêrik xeta sînorî de têgêrayîşê hewayî û hêrişê hewayî dewam kerd û ca dîya nînan:
SERÊKANIYÊ
*Artêşa tirkî ya dagirkere û çeteyanê ci bi çekanê giranan, wesayîtanê zirxnan û wesayîtanê bêmerdiman ê hewayî hêrişê mewzîyanê şervananê ma ê dewanê Menacîr, Gozelîyê, Erbeîn û Leylan ê Serêkanîyê kerd. Dagirkeran dewa Menacîrî 15 rey bombavaran kerde. Hêzanê ma cewab da, grûbêka çeteyan ameyî kiştene û 2 wesayîtî ameyî îmhakerdene. Pêro pîya pêkewtişan de 13 çeteyî ameyî kiştene û xeylî zî birîndar bîyî.
KOBANÊ û EYN ÎSA
*Hêrişê vera dewa Evdikê de hêzanê ma çarçeweya xopawitişê meşrû de cewab da. Reyna der û dorê dewa Mişrefa de zî dagirkereran bi çekanê giranan hêrişê mewzîyanê hêzanê ma kerd. Bi cewabdayîşê hêzanê ma pêkewtişanê giranan dest pêkerd. Pêkewtişan de tewr tay 31 çeteyî ameyî kiştene û xeylî zî birîndar bîyî. Hîrê wesayîtê zirxin û yew zî tîpê BMByî ameyî derbkerdene.
*Pêkewtişan de pêro pîya tewr tay 44 çeteyî ameyî kiştene û xeylî zî birîndar bîyî.
*Xoverdayîşê Anorî de 3 embazê ma yê qehremanî şehîd bîyî û 4 embazê ma zî birîndar bîyî.”
