Merkezê Çapemenîya HSDyî bîlançoya 24 saetanê peyênan eşkera kerd û da zanayene ke ci ra 2 sercergî 5 çeteyî ameyî kiştene
Merkezê Çepamenîya Hêzê Sûrîyeya Demokratîke (HSD) bîlançoya şerê 24 saetanê peyênan eşkera kerd.
Eşkerayîya HSDyî de nê çîyî ameyî parekerdene:
“Artêşa tirkî ya dagirkere herême de têgêrayîşê xo dewam kerd. Zaf cayan de bombardûmanê giranan reyde têgêrayîşê keşfî yê teyarayanê bêmerdiman zî dewam kerdî.
TIL TEMIR
Artêşa dagirkere dewanê Erîşa û Til Mihemedî de bi paştdayîşê teyarayanê bêmerdiman hêrişê çeperanê hêzanê ma kerde û herême ser o bombayî varna.
EYN ÎSA
Artêşa dagirkere nêzdîyê dewa Qizelî ser o bi hawayêkê giranî bombayî varnayî. Dewanê Kefîfa û Sarûncî de artêşa dagirkere bi armancê zêdekerdişê dagirkerî xo hêrişê çeperanê hêzanê ma û cayê sivîlan kerd. Netîceyê hêrişê komanê çeteyan de meydanî de şerêko giran qewimîya. Netîceyê bombardûmanî de zî zîyanê madî resayî hemwelatîyanê sivîlan.
Şeranê herêma Eyn Îsayî de 2ê ci sercergê koma Sultan Muradî bi temamî 5 çeteyî ameyî kiştene û zaf çeteyî birîndar bîyî.
Netîceyê hêrişanê artêşa dagirkere de embazê ma şehîd bîyî.”
