HSDyî bi beyanatêkî netîceyê şer û xoverdayîşê 24 seatanê peyênan weşana. HSDyî da zanayene ke hêrişê dewleta tirkî ya dagirkere û çeteyan aye yê herêmanê teberê peymane de dewam kenê
Merkezê Çapamenîya Hêzê Sûrîyeya Demokratîke (HSD) bi beyanetêkê nuştekî netîceyê şerî û xoverdayîşê 24 seatanê peyênan yan zî roja 38.e yê ‘Xoverdayîşê Rûmetî’ eşkera kerd.
Beyanatê HSDyî wina yo:
“Artêşa dagirkere û komê çeteyan bi pêro tewir çekanê giranan û teyareyanê bê merdiman seranserê cepheyî de hêrişanê xo dewam kenê.
TIL TEMIR
Artêşa dagirkere û komê çeteyan dewanê Ing El-Hewa, Mehmûdîye, Qasimîye û Rihanîye de hêrişê herêmanê sîvîlan kerdî û waştî ke meydananê neweyan dagirk bikerê. Komê çeteyan bi obus û hewanan hêrişê çeperanê hêzanê Meclîsê Leşkerî yê Suryanan kerdî, reyna bi teyareyanê bê merdiman herême bombardûman kerdî.
EYN ÎSA
Artêşa dagirkere ya tirkan û çeteyê girêdayeyê aye bi çekanê giranan û teyareyanê bê merdiman hêrişê bendanê kontrolî yê rayîrê M4î yê mîyanneteweyî û dewanê Tîna û Qizalî kerd. Artêşa dagirkere reyna nê herêmî bi teyareyanê bêmerdiman bombardûman kerdî.
Hêrişanê artêşa dagirkere de 2 embazê ma şehîd bîyÎ.”
