HSDyî bi eşkerayîyêke da zanayene ke roja 45ine yê Xoverdayîşê Rûmetî de hêzê artêşa tirkî ya dagirkere hêrişanê xo domnena. HSDyî dîyar kerd ke hêrişan de şervanêk înan şehîd bî û yew zî birîndar bî
Merkezê Resnayîşî û Çapemenî yê Hêzê Sûrîyeya Demokratîke (HSD) derheqê şer û perodayîşanê roja 45ine yê Xoverdayîşê Rûmetî de eşkerayîyeke da. HSDyî da zanayene ke hêzê artêşa tirkî ya dagirkere û çeteyê girêdayeyê aye pêroyê sînorî ser de hêriş û têgêrayîşanê xo yê dagirkerîye domnenî. HSDyî da zanayene ke hêrişê dagirkerîye yê vera rayîrê mîyanneteweyî yê M-4î û xeylî cayanê bînan zêdîyayî.
Eşkerayîya HSDyî wina yo:
TIL TEMIR
* Artêşa tirkî ya dagirkere û çeteyê girêdayeyê aye dewa Leylanî de hewl dayî ke raşteyanê neweyan dagir bikerî û têgêrayîşanê xo yê herême zêdînayî.
EYN ÎSA
* Herêma dewa Mesûdiyî de artêşa tirki ya dagirkere û çete aye hêrişê herêmanê sivîlan kerdî. Sewbîna cebilxaneyê artêşa tirkî ya dagirkere mîyanê depoyê xeleyî teqîya û netîceyê teqayîşî de hûmarêk çete û leşkerê artêşa tirkî ya dagirkere merdî.
QIZ ALÎ
* Hêzê dagirkerî herêmê dewanê Kefîfa û Zenûbayî bi obus û tankan bombardûman kerdî. Sewbîna herême de têgêrayîşê teyareyanê keşfî bê maben dewam keno.
* Netîceyê hêrişanê artêşa dagirkere de embazêk ma şehîd bî û embazêk ma zî birîndar bî.”
