HSDyî bîlonçoya 24 saetanê peyênan yê Xoverdayîşê Anorî yo ke vera dewleta tirkî û çeteyanê ci yeno dayene, eşkera kerd. Goreyê eşkerayîye pêkewtişanê peyênan de 29 çeteyî ameyî kiştene
Merkezê Çapemenîya Hêzê Sûrîyeya Demokratîke (HSD) bîlonçoya 24 saetanê pêyenan eşkera kerd. Goreyê eşkerayîye pêkewtişanê peyênan de 29 çeteyî ameyî kiştene.
Eşkerayîya de nê ameyî parekerdene:
SERÊKANÎYÊ
Artêşa tirkî ya dagirkere û çeteyanê ci bi çekanê giranan, wesayîtanê zirxinan û wesayîtanê bêmerdiman ê hewayî hêrişê nuqteyanê şervananê ma ê dewanê Menacîr, Esadîyê Leylan û Bîr Nûhî yê Serêkanîyê kerd. Hêzanê ma çarçeweya xopawitişî de cewab da tewr tay 10 çeteyî ameyî kiştene û xeylî zî birîndar bîyî. Pêkewtişan de panzerêk û wesayîtêko doçkabarkerde ameyî îmhakerdene.
AMÛDÊ – DIRBESÎYÊ
Dewleta tirkî ya dagirkere û çeteyanê ci hêrişê dewa Derdara kerd, hêzanê ma cewab da ci û îşxlkarî peyser qeldayî.
KOBANÊ – EYN ÎSA
Dewleta tirkî ya dagirkere û çeteyanê ci hêrişê dewanê Çelebê, Dîbîsî, Xirbet Farîa, Mîtmeşrak û Evdîkê yê Eyn Îsa kerd. Bi cewabdayîşê hêzanê ma pêkewtişê giranî ameyî ciwîyayene. Tewr tay 19 çeteyî ameyî kiştene û xeylî zî birîndar bîyî. Reyna di panzerî ameyî îmhakerdene û wesayîtêko leşkerî ame derbkerdene.
Pêkewtişanê vera hêrişan de tewr tay 29 çeteyî ameyî kiştene û xeylî zî birîndar bîyî. Pêkewtişan de 4 wesayîtê leşkerî ameyî îmhakerdene û yew zî ame derbkerdene. Nê xoverdayîşî de yew embazê bi şerkerdişêkê qeyhremankîyî şehîd bi. 11 embazê ma zî birîndar bîyî.”
