Merkezê Xeberan]
Rojnameyê Xwebûnî ke hewte de reyêk yeno çapkerdene û tewr zêde serê ziwan û kulturî de weşan keno, hûmara xo ya 36an vejîya hemverê wendoxan. Hûmara 36an bi manşetê ‘Êşê girantir dikin’ yanî bi zazakî ‘Dejî hîna giran kenî’ vejîya. Hûmara newe de bale ancîyaya serê tecawizê çawişo pispor Musa Orhanî ke bî sebebê întîxarê Î.E.ye ke Êlih de cuyayêne û badê tedawîyê bi hewteyan cuya xo vindî kerde. Rojname de yeno dîyarkerdene ke cenazeya Î.E.ye saetanê şewe de ameya definkerdene û destûr nêdîyayo ke kesêk tewrê merasîmê cenazeyî bibo. Rojname de bale ancîyeno qiseykerdişê Wezîrê karê zerre ke tecawizkar pawitbî.
Surmanşetê rojnameyî de roportajê Zozan Yaşare ke serê kitabê Rojnameger Alî Duran Topuz a “Rû û Kûr” kerde, esto. Nuşteyê Nuştox Mem Avba ê bi sernameyê ‘Hilbijartinên Amarîkayê û Kurd’, nuşteyê Munewer Azîzoglu Bazan ê bi sernameyê ‘Nameya (xwe) kuştinê’, nuşteyê Rojnameger Sadiye Eser ê bi sernameyê Çîroka Qeraşê Beraşan’, nuşteyê Nuştox Feradê Dengîzî ê bi sernameyê ‘Sê heval’ Nuştox Abdurrahman Sever bi sernameyê ‘Berhemên ruhê xwebûnê -3’ û sernameyê ‘Mîr berdirxan’ vejîya verê destê wendoxan.
Ripelê Kirmanckî
Rojnameyê Xwebûnî ke hewte de reyêk yeno çapkerdene de ripelêk zî ê kirmanckî esto. Ripelê kirmanckî yê no hewte de nuşteyê Nuştox Kamo ê bi sernameyê ‘Kam çira çawişê pisporî şevekneno!’ esto. Kamo nuşteyê xo de bale anto serê tecawizê çawişo pispor Musa Orhanî ke bî sebebê întîxarê Î.E.ye ke Êlih de cuyayêne û verê ra heta ewro hemverê nê hedîseyan de vindetişê selahîyetdaran û dewlete çi yo. Nuştoxe Valêre zî nuşteyê xo yê bi sernameyê ‘Ganî sînorê rexneyan bibo…’ de qala sînorê rexneyan kena û nuşteyê Cemîl Oguzî ê bi sernameyê ‘Dortmundî zirar kerd’ esto.
