Karwano ke hemwelatijanê herêma Cizîrî ra pê ameyêne, seba ke şêrî Serêkanîyê û hetkarî biresnî şarê herême serê sibayî kewtbî rayîr û dewa Mişrafa de binê enqazê awanîyê ke bi bombardûmanê artêşa tirkî ya dagirkere de ameybî rijnayene ra 16 şehîdanê sivîlî vet
Hêzê artêşa trikî ya dagirkere û komê çeteyê girêdayeyê aye dewa Mişrafa ya Serêkanîyê bombardûman kerde. Netîceyê bombardûmano wehşane de xeylê awanîyî rijîyayî û sivîlî binê enqazanê awanîyan de mendî.
Çend deqeyan verê karwanêko sivîlan ke seba xelisnayîşê sivîlanê birîndaran yê Nêweşxaneyê Serêkanîyê kewtbî rayîr, resa dewa Mişrafa. Hemwelatijî dest bi wedarnayîşê enqazan kerdî û netîceyê cigêrayîşan de cenazeyê 16 hemwelatijanê sivîlan ke bi hawayo wehşane ameyî qetilkerdene binê enqazan ra ameyî vetene.
Xebatê cigêrayîşan yê dewe dewam kenî. HESEKÊ
