Sêwrege de ke 6 kesî hêriş de ameybî qetilkerdene, 2ê ci hetê mexdûrî ra hûmara kesanê ke ameyî tepiştene resaye 6
Mehlaya Çeltîkî ya qezaya Sêwrege ya Riha de, 15ê Hezîrane de netîceyê ‘pênêkerdişê erazîye’ de birayanê parlamentero verên ê AKPyî Zulfîkar Îzolî kesê bi nameyê Hakki, Zozane, Merale û Mûsa Serhat Îzolî û yê bi nameyê Ridvan Bûlûş (30) û Serdar Delenî (31) kiştîbî. Hûmara kesanê ke netîceyê nê qewimîyayîşî de ameyî tepiştene resaye 6. Kesê ke bi îdîaya ‘kiştişê merdiman û teşebusê kiştişî’ ra ameyê tepiştene 2ê înan keyeyê mexdûrî ra yê.
Birayê Zulfîkar Îzolî Bulent Îzol, Cîhan Îzol û lajê ci Ferman Îzolo ke dimayê qewimîyayîşî ra ameybî destbendkerdene û Mehmet Metîn Îzol û Yusûf Rojhat Îzolo ke merdimê înan ameybî kiştene ameyî tepiştene. Birayo bîn ê parlamenterê verênî Cemal Îzolo ke Nêweşxaneyê Dewlete yê Sêwrege de binê çimdarîya polîsan de ameyêne girewtene zî bi qerarê hakimîya ceza ya sulhî ra ame tepiştene.
Hetêna ra ame zanayene ke Cîhan, Bulent û Ferman Îzol çarçewaya cipersayîşo ke bi qerarê ‘Nimiteyîye’ yeno rayraberdene de şirawîyayî bi Zîndanê Tîpa Tyî yê Sêwrege û Mehmet Metîn û Yusûf Rojhat Îzol zî bi mazeretê asayîşî Zîndanê Elezîzî rê ameyî sewqkerdene. RIHA
