Vîrusê Korona tesîrê bi mîlyonan kesan û ekonomîyî kerd. Goreyê dayeyanê Rêxistina Weşî ya Dinya pêroyê dinya de Vîrusê Korona ra 95 hezar û 738 kesî cuya xo vindî kerdî. Sewbîna mîlyonêk û 604 hezar û 900 kesan de zî vîrus ame tespîtkerdene û heta nika 356 hezar û 673 kesî zî weş bîyî.
Ewropa de hûmara kesê ke bi Vîrusê Korona kewtî resaye 778 hezar û 896 kesane. 65 hezar û 918 kesî zî cuya xo vindî kerdî. Ewropa de heta nika 185 hezar û 320 kesî zî weş bîyî.
Amerîkaya Başûrî de 500 hezar û 879 kesan de vîrus ame tespîtkerdene. 17 hezar û 694 kesî cuya xo vindî kerdî û 32 hezar û 298 kesî zî weş bîyî.
Amerîkaya Bakurî de 39 hezar û 662 kesan de vîrus ame tespîtkerdene. Hezar û 620 kesî cuya xo vindî kerdî û 4 hezar û 129 kesî zî weş bîyî.
Asya rêza hirîne de ya. Asya de heta nika 264 hezar û 305 kesan de vîrus ame tespîtkerdene. Înan ra 9 hezar û 904 kesî cuya xo vindî kerdî û 129 hezar û 238 kesî zî weş bîyî.
Afrîka de 12 hezar û 915 kesan de vîrus ame tespîtkerdene û 634 kesî cuya xo vindî kerdî. Hezar û 698 kesî zî weş bîyî.
Okyanusya de 7 hezar û 522 kesan de vîrus ame tespîtkerdene. 55 kesî cuya xo vindî kerdî û 361 kesî zî weş bîyî.
