Dêrsim de û şaristananê bînan ê Vakurê Kurdîstanî de seba elewîyanê raya heqîye Menga Xizirî dewam kena. Hunermendê dêrsimijî Dogan Çelîkî derheqê menga Xizirî de qisey kerd û pare kerd ke na menge seba elewîyanê raya heqîye girîng a.
Çelîkî qiseykerdişê xo de vat: ”Ma na menge de loqma û nîyazanê xo vila kenê, cîran û nasanê xo reyde weş kenê. Na menge visnena vîrî ke ma parçeyê na dinya yê, ma pêro gandaranê reyde dinya pare kenê û wijdan û huqûq çi yê. Seba ma pêro gandarî zaf girîng ê. Rojeyê menga Xizirî kerraya mihenge ya bawerîya ma ya. Ma na menge de dekewenê raştîya pêro gandaran. Wa meydanê raştîye de, dîwanê heqî de loqma û nîyazê ma qebul bibê.” DÊRSIM
