Îdîanameyê hunermend Yilmaz Çelîkî ame amadekerdene. Îdîaname de vatişê deyîra ‘Alî Heydar Nêmireno’ sey delîlê sûcî ame hesibnayene
Hunermendo dêrsimij Yilmaz Çelîk 8ê kanûne de dima konserê xo amebi destbendkerdene û dima bi îdîayanê ‘endamîya rêxistine’ û ‘propagandaya rêxistine’ amebi tepiştene. Îdîanameyê tehqîqatê Yilmaz Çelîkî ame amadekerdene.
Îdîaname de ca ame dayen îfadeyanê îtîrafkerêkî. Fotografê Mahîr Çayanî û Îbrahîm Kaypakkayayî yê ke Çelîkî medyaya komelkîye ser o pare kerdbî û deyîra ‘Alî Heydar Nêmireno’ ya ke Çelîkî vatbi îdîaname de sey delîlanê sucî ameyî hesibnayene. Reyna îdîaname de şîyayîşê Çelîkî yê dewa xo ya Kedekî ya qezaya Pulurî ya Dêrsimî bi îdîaya ‘kuryetîye’ ame mojnayene. Yilmaz Çelîkî îdîayan ser o beyan kerd ke o îtîrafker A.O. nêşinasneno, seba festîvalan û arêdayîşanê deyîran şi Pulur û rengê wesayîtê ci zî sey vatişê A.O. sîya ney girî yo.
Avûkatê Yilmaz Çelîkî Huseyîn Aygunî derheqê îdîanameyî de wina vat: “Goreyê îdîanameyî sucê Çelîkî cinitişê sazî yo.”
Roniştişo yewîn ê Çelîkî do 26ê adara 2020î de Mehkema Cezaya Girane ya Dêrsimî de bêro dîyene. DÊRSIM
