Navenda Nûçeyan |
Hunermend û rewşenbîrên ji çar perçeyên Kurdistanê derbarê êrîşên dewleta tirk a dagirker ên li ser Herêmên Parastinê yên Medyayê, planên wê yên ku kurdan bîne dijî hev û hewldanên PDK’ê de, daxuyanî dan.
Di daxuyaniya ku li bajarê Koln ê Almanyayê hat dayîn de, hunermend û rewşenbîran bal kişandin ser planên qirêj ên dewleta tirk a dagirker û ji hemû aliyên kurd xwestin dijî van lîstikan hişyar bin û rê li ber şerekî kurd û kurd bigirin.
Hunermendan bi taybet bang li Serokê PDK’ê Mesut Barzanî kir ku li pişt gotina xwe ya wekî ‘Êdî şerê birakujiyê heram e’ bisekine û rê nede ku şerekî din ê kurd û kurd derkeve.
