Înîsîyatîfê Hunermend û Roşnvîranê Kurdan şaristanê Kolnî yê Almanya da kom bîyî û seba yewîya neteweyî vengdayîş kerd. Kombîyayîşî de xebatê Înîsîyatîfê Hunermend û Roşnvîranê Kurdan zî ameyî destpêkerdene
Hunermend û roşnvîranê Kurdan şaristanê Kolnî yê Almanya de kom bîyî û yewîya neteweyî muneqeşa kerde. Her parçeyê Kurdîstanî ra zaf kesî tewrê kombîyayîşî bîyî.
Kombîyayîşî ra dima 47 hunermenda, nuştox, zanyar û akademîsyenan deklarasyonêko hempar weşana. Deklarasyonî de bale ameye antene hêrişanê vera Rojawanî ser û venga pêro hêzan ame kerdene ke binê banê yewîya neteweyî de kom bibê.
Deklarasyonî de nê çîyî ameyî parekerdene:
“Ma dinyayêka winasêne de yê ke dormeyê ma bi barbarîye, mergî û kerdişanê vera merdimîye ame girewtene. Nê dewirî de têna çîyêk seba ma yeno waştene; nêciwîyayîş. Ma bi hawayêkê eşkera vînenê ke şexsê şarê kurdî de qirkerdişêk dest pêkerd. Serekê nê qirkerdişî zî Dewleta Tirke bi xo ya.Tabloyo ke vejîya meydan tede aseno ke waştişê înan bi temamî çinkerdişê kurdan o. Dewleta Tirke çayê dinya de beno wa bibo wazena destkewteyanê kurdan, estbîyayîşê kurdan û statûyê kurdan çin bika û înan seba xo sey dişmenan vînena. Hunermend û roşnvîrî pawitoxê merdimîye, roştîye, hêvî û azadîye yê. Ma sey hunermend û roşnvîranê kurdan pawenê ke hunermend û roşnvîrê dinya ma teyna nêverdê û vera qirkerdişê kurdan tewirê xo bimojnê. Ma pê bawer ê ke şima do goş bidê ma ser û nê prosesî de şarê ma têna nêverdê.
Ma hunermend û roşnvîrî seba ke ruhê ma, keda ma û renganê ma biresê yewbînan ma dest pê awankerdişê yewbîyayîşêkê xurt kerd. Ma hêvî kenê ke na yewîye tesîrê her kesî do bikê. Yewîye û têkoşînê hemparî ra ber, ma destkewteyanê estbîyayîşî vîndî kenê nêeşkenê nînan bipawê. Eke destkewteyê kurdan bêrê pawitene no bi têkoşînê hemparî, bi hêz û serkewtişê têkoşînî û bi yewîya neteweyî do bibo. Ganî rewşa parçebîyaye meydanî ra bêro wedaritene. Ma sey hunermend û roşnvîranê kurdan ê ke xo sey wîjdanê komelî vînenê venga pêro hêzanê berpirsîyaran kenê ke seba yewîya neteweyî kom bibê.”
Nameyê hunermend û roşnvîranê ke vengdayîşo hempar kerd wina yê:
1– Ehmed Husênî- Şaîr
2– Elî Zulfîkar-Resam
3– Bahrem Haco-Resam
4– Cemal Ebdo-Mirê Hekan -Resam
5– Prof. Celîlê Celîl-Cigêrayox
6– Ciwan Haco-Muzîsyen
7– Çetîn Oraner-Muzîsyen
8– CiwanTeter-Şaîr
9– Çeleng Omer-Akademîsyen
10– Çoppy-Muzîsyen
11– Delîl Mîrsaz-Hunermend
12– Dilaver Zengî-Nuştox
13– Dîyar Dersim-Muzîsyen
14– Emekçî-Muzîsyen
15– Ekrem Heydo-Sînemaker
16– Ekrem Efrem-Muzîsyen
17– Elî Seyît-Muzîsyen
18– Ersîn Çelîk-Rojnameger-Îdarekar
19– Ezîz Namlê-Hunermend
20– Ferhad Tunç -Muzîsyen
21– Fîra Mihemed-Kaykerdoxê Tîyatroyî
22– Garîp Dost-Muzîyen
23– Hanî Muctehedî-Muzîsyene
24– Helîm Yusif-Nuştox
25– Hêmîn Kurdaxî-Nuştox
26– Hesen Şerîf-Muzîsyen
27– Kawa Nemir-Nuştox
28– Mehmud Berazî-Akademîsyen, Muzîsyen
29– Mehmet Bayrak-Tarîxnas
30– Melevane Resul-Rojnamegere, Nuştoxe
31– Merwan Berekat-Edebîyatkar
32– Mizgîn Tahîr-Muzîsyen
33– Mîkaîl Aslan-Muzîsyen
34– Munîr Şexe-Resam
35– Necmedîn Xulamî-Muzîsyen
36– Reşît Sofî-Muzîsyen
37– Sefqan Orkêş-Muzîsyen
38– Şehrîbana Kurdî-Muzîsyene
39– Şemdîn-Muzîsyen
40– Şêro Hinde-Îdarekar
41– Şiwan Perwer-Muzîsyen
42– Şalîko Bêkes-Nuştox
43– Teymûr Evdikê-Kaykeroxê Tîyatroyî
44– Tara Caff-Muzîsyene
45– Zana Omer-Akademîsyen
46– Xelîl Xemgîn-Muzîsyen
47– Hekîm Sefqan-Muzîsyen. KOLN
