Hunermendanê Têgêrayîşê Kulturî yê Ewropa (TEV-ÇAND) seba rayraşîyayîşê Kolnî yê 17ê sibate derheqê Rayberê Şarê Kurdî Abdullah Ocalanî de deyîr, merş û muzîkan amade kenê.
Hunermendanê TEV-ÇANDî pare kerd ke 17ê sibate de ê do tewrê rayraşîyayîşê Kolnî bibê û venga pêro kurdîstanijan û dostanê înan da ke seba şiknayîşê tecrîdî tewrê rayraşîyayîşî bibê.
Nameyê hunermendan ser o Dengbêj Şemdînî eşkerayîyêke daye û vat: ”Rayberê Şarê Kurdî Abdullah Ocalan 25 serrî yo Îmrali de tecrîdkerde yo. Coka çar parçeyanê Kurdîstanî û etberê welatî de kurdî payan ser de yê. Ma zî sey hunermendanê kurdan 17ê sibate de şaristanê Kolnî yê Almanya de tewrê çalakîyan bibê. Sey hunermendan ma deyîr û merşan seba Rayber Apoyî amade kenê. 17ê sibate de ma do Koln de bibê, şima zî bêrê. Ma tecrîdî wedarnê û têgêrayîşê azadîye lîsteya terorî ra vejê.”
