Kênekanê vîndîbîyayîyan yê Dêrsimî ra Hurîye Aslane dewa Pirdê Sûrî ya Pilemûrîye de bi şiwareyan ameye definkerdene
Hurîye Aslana ke cuya ci bîbî babeta belgefîlmî yê ‘Kênekê Dêrsimî yê vîndîbîyayî’ û nê belgefîlmî ca girewtîbî, dewa ci de bi şiwareyan ameye definkerdene. Aslana ke heme ferdê keyeyê xo Terteleyê Dêrsimî de vîndî kerdbî, çend rojî verê cû Stenbol de dinyaya xo bedilnabî.
Dewa Pirdê Sûrî ya qezeya Pilemûrîye ya Dêrsimî de badê merasîmî Aslane bi şiwareyan ameye wedarnayene. Parlamenterê CHPyî Polat Şaroglu, Serekê Şaredarîya Maltepeyî Alî Kiliç, Serekê Şaredarîya Pilemûrîye Muslum Tosun, partîyê sîyasî, temsîlkarê rêxistinanê cimatî yê sîvîlî û xeylî hemwelatijî tewrê wedarnayîşî bîyî. DÊRSIM
