Îdarekarê HDPyî yê Riha Hîdayet Duger semedê cezaya ci ya qetîbîyayîye ame tepiştene
Derheqê îdarekarê Partîya Demokratîke ya Şaran (HDP) yê Riha Hîdayet Dugerî de serra 2016î de bi îdîaya ”endamê rêxistine” dewa amebî akerdene. Çarçewa na dewa de cezaya ci ya 7 serre û 6 menge hetê hukmî ra ame qetîkerdene û wexto ke Duger bînaya partîye ra vejîyayêne ame tepiştene.
Dugero ke 3 serrê cezaya xo bi rewşa tepişteyîye temam kerdibî seba cezaya xo ya mende ame berdene bi Edlîye ya Riha û uca de ame tepiştene. Duger dima ame berdene bi Zîndanê Girewteyî yê Tîpê Tyî yê Riha. RIHA
