Ame îddîa kerdene ke serekê Daîreya Zanist û Kirarî yê Unîversîteya Munzurî Cem Tekînoglûyî bi rayîrê tehdîtî bi pereyan wendekaranê cinîyan ser o têkilîya cinsî ferz kerda. Na îdîa kirişîya rojeva Meclîsî
Ame îdîa kerdene ke serekê Daîreya Zanist û Kirarî yê Unîversîteya Munzurî Cem Tekînoglûyî bi rayîrê tehdîtî bi pereyan wendekaranê cinîyan ser o têkilîya cinsî ferz kerda. Na îdîa kirişîya rojeva Meclîsî. 7 parlamenteranê Partîya Demokratîke ya Şaran (HDP) îdîayê derheqê Tekînoglûyî hetkarê Serekkomarî Fûat Oktayî û wezîrê Karanê Zereyî Suleyman Soylûyî ra persayî.
Dêrsim de nê rojanê peyênan de babeta ke tewr zaf yena qisey kerdene îdîayê derheqê serekê Daîreya Zanist û Kirarî yê Unîversîteya Munzurî Cem Tekînoglûyî yê. Ame îdîakerdene ke Cem Tekînoglûyî tayê wendekarî tehdît kerdê, bizor vera pereyan înan ser o ferz kerdo ke walî, qeymeqam û tayê selahîyetdaranê payeberzan dir bikewê têkilîya cinsî.
Nê îdîayî, hetê 7 parlamenteranê cinîyan ê HDPyijan ra ameyî kiriştene bi rojdemê Meclîsî. Parlamentere Ayşe Acar Başarane, Dersîm Dage, Nûran Îmîre, Salîha Aydenîze, Semra Guzele, Şevîn Coşkûne û Zuleyha Gulume bi pêşnîyaznameyanê perse na îdîa hetkarê Serekkomarî Fûat Oktayî û wezîrê Karanê Zereyî Suleyman Soylûyî ra persaye. ANQARA
