Mahmut Alinbayî (Adnan Pîro) pêrodayîşêk 22-23ê hezîrane yê Dêrsim de cuya xo vindî kerdbî. Keyeyê Alinbayî îdîa kerd ke pêrodayîş de ‘çekê kîmyewî’ ameyî xebetnayene û seba ke îşkence bi cenazeyan ameyo kerdeno do gere bikerî
22-23ê hezîrane de qezaya Xozatî ya Dêrsimî de mabenê endamanê HGPyî û leşkeran de pêrodayîş vejîyaî. Pêrodayîş de Mahmut Alinbay (Adnan Pîro), Cîhan Çelebî (Hakki Çemîşgezek), Mazlum Atar (Sîdar) û Abdulkerîm Avrasî cuya xo vindî kerdî. Seba ke cenazeyê HPGyijan sîya bibî û çermê bedenê înan tole bîyêne, keyeyan dîyar kerdî ke pêrodayîş de ‘çekê kîmyewî’ ameyî xebetnayene û îşkence bi cenazeyanê domananê înan ameyo kerdene.
Ahmet Alinbayo ke pîyê Mahmut Alinbayo (Adnan Pîro) ke qezaya Pîranî ya Amedî de ameybî definkerdene ard ziwan ke o ewnîyayî cenazeya domanê û yê bînan zî û va: “Pêroyê cenazeyan bibî sey komir. Çermê bedenê înan tole bîyêne. Pêrodayîş de ‘çekê kîmyewî’ ameyî xebetnayene. Çîyoke ameyo kerdene ‘wehşet’ o. Kesê ke merdim bî wina nêkenî. Bi îşkencekerdişê cenazeyan heyf nîno herînayene. No sucê şerî yo. Ez merdimbîyayîşî ra şerm kena. Destûr nêdîyeno kesêk tewrê merasîmê cenaze bibo. Keyeyan rê daxî terwbîyayîş yeno sînorkerdiş.” AMED
