Îdianameya der barê hevşaredarên Şaredariya Rêya Armûşê Azîm Yacan û Şehsade Kurt de hate amadekirin. Di îdianameyê de parvekirinên li ser medyaya civakî û nûçeyên di malperên herêmî de jî wekî delîla sûc hate hesibandin
Hevşaredarên Şaredariya Rêya Armûşê ya Wanê Azîm Yacan û Şehsade Kurt piştî ku dewleta tirk li şûna wan qeyûm tayîn kirin, di 11’ê kanûnê de hatin girtin. Îdianameya der barê hevşaredar Yacan û Kurt de hate amadekirin.
Serdozgeriya Komarê ya Wanê bi îdiayên ‘Endamê rêxistinê ye’, ‘Propagandaya rêxistinê kirine’ û ‘Li dijî qanûna civîn û meşên xwepêşandan kirine’ doz li wan vekir. 7’emîn Dadgeha Cezayên Giran a Wanê jî îdianame qebûl kir. Danişîna Yacan û Kurt dê di 10’ê sibata sala 2020’an de li Dadgeha Wanê bê dîtin.
Dozger di îdianameyê de parvekirinên li ser medyaya civakî, derbirînên şahidên nepen, nûçeyên malperên herêmî û îxbarên hatine kirin jî weke sûc hesibandin û hevşaredar bi van îdiayan tewanbar kir. WAN
