Gerîlayanê HPG û YJA Starî 1ê Hezîrane Îdir de çalakîye viraşte û xeylî wesayîtê zirxinî çin kerdî. Çalakîye de xeylî eskerî ameyî kiştene
Gerîlayan 1ê Hezîrane de qezaya Başanî ya Îdirî de çalakîya hîrayîye viraşte.
Goreyê zanayîşê ke çimeyanê cayîyan ra ameyê girewtene, xeylî wesayîtê zirxinî ameyî çinkerdene. Ame vatene, xeylî eskerî ameyî kiştene, xeylî zî birîndar bîyî. Goreyê zanayîşan, bi desan wesayîtê sîvîlî, zirxinî û ambûlansî ameyî cayê serebutî û merde û birîndarî ameyî werdarnayne. Yeno pawitene ke HPG derheqê çalakîye de eşkerayîyêk bido. Dewleta tirkî îdîa kerdîbî ke 3 eskerî ameyê kiştene. ÎDIR
