Parlamenterê Partîya Demokratîke ya Şaran (HDP) yê Amedî yê verêne Îdrîs Baluken, bado ke cezaya ke ci rê ameybî birnayîş qedîya, zîndan ra vejîya. Balukenî ke wextê xo de Serekwekîlê Koma HDPyî bî 4ê Teşrîna Peyêne ya 2016î de ameybî destbendkerdene û tepiştişene Mehkemaya Cezaya Girane ya Amedî ya 8. de ameybî muhakemekerdene. Netîceyê muhakemekerdişî de 9 serr û 2 aşmî cezaya zîndanî ci rê ameybî birnayene. Balukenî rê roniştişê 30ê çeleyê 2017î de qerarê serbest verdayîşî ame dayene. La bi îtîrazê Serdozgerîya Komare ya Amedî ra badê 22 rojan 21ê sibata 2017î de newe ra ame tepiştene û tepîya şirawîya zîndan.
Balukeno ke cezaya ke ci rê ameybî birnaye cezaya xo qedêna, badê 6 serr û 5 aşm û rojêke Zîndanê Sîncanî ke tede ameyêne tepiştene ra vejîya. ANQARA
