Îmam Şîş ê peyamek ji bo panela ku piştgiriya bi Şoreşa Rojava re ku li paytexta Îngilistan Londonê hate kirin re şand wiha got: “Ne greva birçîbûnê ya me zorê dide me bêdengî ye.”
Koma Piştgiriya Kurdistaniyên Londonê û Anarşîst Plan C bi sernavê ‘Enternasyonalîzma Şoreşger û siberoja Federasyona Bakurê Sûriyeyê’ panelek li dar xist. Di panelê de weke axivger şoreşgerê Perûyê Hûgo Blanco û akademîsyen û nivîskar Derek Wall amade bûn.
Îmam Şîş ê li dijî tecrîda li ser Rêberê Gelê Kurd Abdullah Ocalan ev 75 roj in li bajarê Newport ê Gallerê di grevê de ye ji bo platformê peyamek şand. Şîş di peyama xwe de ev tişt got:“Em vê çalakiyê ne ji bo mirinê, ji ber ku em ewqas ji jiyanê hez dikin ku di oxira wê de dimirin, pêk tînin. Dibe em di dawiya vê çalakiyê de bimirin. Beşek mezin a kurdên ku li Brîtanyayê dijîn xwedî li çalakiyên grevê derdikevin lê hê jî beşek mezin ên Kurdisatanê tevî faşîzmê hê jî jiyana xwe ya rojan e didomînin. A me zorê dide me ne greva birçîbûnê, bêdengî ye. Madem ev sîstema kapitalîst a faşîst û qirker navneteweyî ye, wê demê li dijî vê divê têkoşîneke sosyalîst a şoreşger a navneteweyî bê kirin.” LONDON
