Piştî ku tankera petrolê ya Îranê li Sûriyeyê hate dîtin, Îngilistanê nerazîbûn nîşan da.
Wezîrê Karên Derve yê Îngilistanê Domînîc Raab der barê dîtina tankera petrolê ya Îranê li Sûriyeyê daxuyaniyek weşand û diyar kir, tankera petrolê ya Îranê petrol biriye ji Sûriyeyê re û wê vê mijarê bixin rojeva Neteweyên Yekbûyî. Her wiha bang li Sefîrê Bilind ê Îranê kir ku biçe Wezareta Karên Derve.
Hikumeta Îngilistanê Tehranê sûcdar dike ku fermanên jê re tên pêk nîne û ragihand, tankera petrolê Adrîan Darya 1 petrol biriye ji Sûriyeyê re.
Wezîrê Îngilistanê got, “Îranê bi rengekî eşkere garantiyên ku pêşkêş kiriye binpê kiriye, bi şandina petrolê ji bo Sûriyeyê bi rengekî vekirî petrol firotiye rejîma Esad.”
Di daxuyaniyê de hate ragihandin ku Îranê garantî daye ku Sûriye an jî devereke din a ku Yekîtiya Ewropayê pêkanîn lê ferz kiriye, wê petrolê negihînin wan.
Raab anî ziman ku wê mijarê bixe rojeva Neteweyên Yekbûyî û got, “Ev yek şêweyekî hewldana hikumeta Îranê ya têkbirina ewlekariya herêmê ye.”TEHRAN
