Îran de camêrdo bi nameyê Riza Eşrefi domana xo ya 13 serrî Romîna Eşrefe binê nameyê ‘namusî’ de bi îşkence kişt. Ame zanayene ke Romînaya Bajarê Taleşî ê pabesteyê Eyaletê Gilanî de cuyayêne verê keye ra remaya û polîsan aye teslîmê keyeyê aye kerdî. Sewbîna Romîna verê mehkema de nêwaşta şêra keye û mehkemade vata ke eke ci teslîmê keye bikerî do pîyê aye ci bikişo. Waştişê Romîna hetê mehkema ra ame peygoşkerdene. Goreyê qanûnanê Îranî domanê şenik ganî teslîmê keye bêrî kerdene.
Romina wexto ke rakewtebîya hetê pîyê xo ra bi îşkence ameya qetilkerdene. Eşrefi dima ra şîyo teslîmê polîsan bîyo. Camêrdo 35 serrî ke Romîna xapêna û aye remna zî ceza nêgirewt. Aktivîstê heqê cinîyan yê Îranî reaksîyon nîşanê hedîse dayî.
Sewbîna goreyê qanûnanê şerîatî do Riza caardişê kisasî ke yeno mehneya misilemeyî ra muaf bêro tepiştene.
Reaksîyon ameyî nîşandayene
Serê medyaya komelkî de mesajê hemverê cînayetê namusî ameyî parekerdene û reaksîyon ameyî nîşandayene.
Jêderk: Euronews
