Di navbera Îsraîl, Yewnanistan û Qibrisê de li ser xeta xaza xwezayî ya Behra Spî, peymana Rojhilatê Behra Spî (EastMed) hate îmzekirin
Dewletên Îsraîl, Yewnanistan û Qibrisê li ser xeta xaza xwezayî li hev kirin û peymaneke sêalî îmze kirin. Peymana ku navê kurtbûna Rojhilatê Behra Spî (Eastern Mediterannean) lê hatiye kirin û weke EastMed hat binavkirin, li paytexta Yewnanistan Atînayê hate îmzekirin. Li ser navê Îsraîlê, serokwezîr Benyamîn Netanyahû, li ser navê Qibrisê serokomar Nîcos Anastasîades û li ser navê Yewnanistanê jî serokwezîr Kyrîakos Mîçotakîs peyman îmze kirin.
Ji aliyê Yewnanistanê ve hat ragihandin ku dê serokwezîrê Îtalyayê Gîûseppe Conte jî paşê peymanê îmze bike. Wezîrê Enerjiyê yê Yewnanistanê Kostîs Hatzîdakîs diyar kir ku peyman ji bo Tirkiyeyê ne peyam e û armanca wan ew e ku di enerjiyê de hevkariyeke herêmî bi pêş bixin.
Piştî lihevkrina di navbera Tirkiye û Lîbyayê de, Amerîka û hin welatên Ewropayê jî piştgirî dan vê peymanê.
Peyman, weke alternatîfeke xaza Rûsyayê tê nirxandin. Her sê welat û Misir li dijî peymana ku di navbera Tirkiye û Lîbyayê de hatiye îmzekirin derdikevin.
