Badê ke Hemşaredarê Bajarê Girdî yê Amedî Selçuk Mizrakliyî 22ê teşrîna verêne de ame tepiştene, vejîya raşte ke îtîrafkare Hîcran Berna Ayverdîya ke teslîm bîya û ‘Qanûnê poşmanîye’ ra feyde girewta 3 serrî ra dima yanî 11 rojî verê weçînayîşê 31ê Adare serê Mizrakliyî de îfade daya
Wezîrê Karê Zerre 19ê Tebaxe de hemşaredaranê Bajaranê Giradan yê Wan, Amed û Mêrdînî wezîfe ra dûrî kerd û Walîyanê nê bajaran sey qeyûm tayînê şaredarîyankerd. 21ê teşrîna verêne de Hemşaredarê Amedî Selçuk Mizrakli, Hemşaredara Peyasî Kezîban Yilmaze, Hemşaredarê Bismilî Orhan Ayaz û Hemşaredara Karazî Rojda Nazliere ameybî tepiştene û 22ê teşrîna verêne de Hemşaredarê Amedî Mizraliyî, Hemşaredara Peyasî Yilmaze û Hemşaredara Karazî Nazliere ameybî tewqîfkerdene. Hemşaredarê Amedî Mizraliyî bi îdîayê ‘Endamîya rêxistine’ û Propagandaya rêxistine’ ra ame teeqîfkerdene.
Zabitnameyan de vejîya raşte ke îtîrafkare Hîcran Berna Ayverdîye badê ke teslîm bîya û ‘Qanûnê poşmanîye’ ra feyde girewta 3 serrî ra dima yanî 11 rojî verê weçînayîşê 31ê Adare serê Mizrakliyî de îfade daya. 20ê Adare de îfadeya Ayverdîye ameya girewtene û Ayverdîye îfadeya xo de vata ke wexto ke nêweşxaneyêk taybet de wezîfe de bî eşnawita ke Mizrakli ‘Endamêkî birîndar yê PKKyî derman kerdo.’ Dozger îfadegirewtişî de no persî Mizrakliyî rê kerdo û Mizrakli zî teqez red kerdo. Mizrakli dîyar kerd ke Ayverdî fekê keso 3 ra qisey kerda û serê vatişanê goşan ra malumat daya. Mizrali da zanayene ke o Ayverdî nêşinasneno û şexsîyet nêzana ke nêweşxane de xebetîyeno ya nê. Mizrakli îfadeya Ayverdî ya ‘Endamê rêxistine o ke loqereyê ci birna roja bîn tabûrcî kerd’ hetê tibbî de çîyêko winasî mumukun nîyo. Mizrakli dîyar kerd ke hetê tibbî de mumkunîya na rewşe çin a û ganî îfadeya na kesî esas nêra girewtene. AMED
