Hozan Serhedo ke 10ê temmuza 1999î de şehîd bi, şehadetê xo ra verî bi deyîra ‘Hewlêrî’ wina qala nê qirkerdişî kerdbi: “Hewlêr, jinûve dayik bû/ Hewlêr, bipêt û agir bû/ Agirê dilê xortan, navmirinê kir jiyan/ Hewlêr agirê dilê keçan navmirinê kir jiyan/ Hewlêr, namîne wek caran/ Wê bibe gora xayinan/ Hewlêr, namîne wek caran/ Wê bibe gora xayinan/ Bi xwîna Helîn û Salihan/ Geş dibin çîçek û sorgulan/ Geş dibin çîçek û sorgulan”
Hewlêr 16ê gulana 1997î de vurîya gogêkê adirinî. 1997 de artêşa tirke ya îşxalkere bi destekê PDKyî ‘Operasyonê Çekîçî’ dabi destpêkerdene. Roja diyînî ya nê operasyonî de 16ê adare de PDKyî eşt dezgehanê Têgêrayîşê Azadîye yê Kurdan ê Hewlêrî ser; nêweşxaneyê Heyva Sore ya Kurdistanî, YAJK, YNDK, NÇM, buroyê Med TV, bînayanê rojnameyanê Welat û Welatê Rojê û qirkerdişêk kerd.
Goreyê dokumentanê fermîyan 83 kesî ameyî qirkerdene
16ê gulana 1997î de huermend, rojnameger, sîyasetmedar, gerîlayê birîndarî û sempatîzanê PKKyî Başûrê Kurdistanî de bi hemkarîya PDK û MÎTî Hewlêr de bi hawayêkê barbarî ameyî qetilkerdene. Goreyê dokumentanê Rojnewsî a roje 83 kesî ameyî qirkerdene yan zî vînîkerdene. La hûmara şehîdan hema zî tam nêzanîyena.
Qirkerdişî ra çend rojî dima PDKyî Radyoyê Dengê de xeberêke weşanaye û vat: ”Hewlêr de 300 PKKgîrî kişîyayî.” La têna PKKgîrî nê hemwelatîyê Başûrî zî ameybî qirkerdene. Hema zî nameyê tay şehîdan yan zî birîndaran tam eşkera nêbîyî.
15ê gulane: Zûra PDKyî
Ê serran de mabênê PDK û YNKyî de şerêko giran est bi. PKK terefgîrêkê nê şerî nêbi û karê xo kerdêne. Dima ke PDKyî 31ê tebaxa 1996î de bi paştdayîşê Saddam Huseyînî Hewlêr YNK ra girewt, na rewşe vurîyaye.
Destpêkê Operasyonê Çekîçî de PDKyî rîyê xo eşkera nêkerdbi. 15ê gulane de pêvînayîşê PDK û PKKyî ra dima PDKyî vat: ”Ma nê şerî mîyan de nîyê.” PKKyî pê PDKyî bawer nêkerdêne coka zafê kadroyê xo Hewlêrî ra apey antî. Têna tay gerîlayê birîndarê ke uca de tedawî bîyêne û xebatkarê dezgehan mendî. Hetê bînî ra tay kadroyanê serkêşan ê PKKyî a roje şaristan nêteriknabi. Nînan ra di tenî Salîh û Hêlîn bîyî ke Hozan Serhadî deyîra xo de qala nînan zî kerdêne.
Serkêşanê têgêrayîşê azadîye ra bîyî…
Hîkayeyê cuye û têkoşînê nê şorişgêran ra çend tenan wina yê:
Hasan Agaç (Salih): 1964 de Hîlwan de dadîya xo ra bîyo. 1993 de wexto ke endamê HEPî bi çend reyî hedefê kontrayanê dewleta tiirke bi û dima zî tewrê PKKyî bi. Keyeyê Agaçî keyeyanê rêxistinkerdeyan ê verênan ê Kurdistanî ra yew bi. Birayê Salihî Mehmet Agaç û Ahmet Agaç zî şehîdê têkoşînê Kurdistanî yê.
Hatîce (Hêlîne) û Bîrsene Guven: Hatîce Guven 1969 de Bazîd de dadîya xo ra bîya û 1992 de waya xo Bîrsene (Berbange) reyde tewra gerîlayan bîye. Berbange a roje nêweşxane de berpirsîyar bîye û Hêlîne zî tedawî bîyêne. Wirdî zî qirkerdiş de şehîd bîyî.
Hozan Çîya (Gazî Sayin): Çîya Merkezê Kulturê Mezopotamya (MKM) yê Hewlêrî de karê huner û kulturî kerdêne. O serra 1962 de dewa Şarogî ya Kanîreşî de dadîya xo ra nîyo, wexto ke qij bi zî keyeyê xo de koçêr Almanya kerdo. Hozan Çîya 1980 de tewrê gerîlayan bi.
Perî Osman Muhammed (Peyame): Perî Osman gerîlayêka YAJKî bîye. A Silêmanî de 1990 de tewra gerîlayan bîya. Keyeyê ey wextêkê dergî xîret kerd ke cenazaya ci PDKyî ra bigêro û peynî de ser kewt. PDKyî bi şerto ke bi bêvengîye defin biba cenaza daye keyeyî.
Nahîde Heme Salih (Rûkene): Nahîde 1972 de dadîya xo ra bîyo û 1996 de Silêmanî de tewra gerîlayan bîye. Rixmê têkoşînê bi serran zî keyeyê ci nêeşka cenazaya aye bigêro. Goreyê vatişanê endamêkê PDKyî Rûkene û Hêlîne pîya ameyî tepiştene, seba ke teslîmîyet red kerd a bi îşkence ameye qetilkerdene.
Hamîde Îbrahîm (Avyene Efrîn): Avyene serra 1974î de Heleb de dadîya xo ra bîyo û 1993 de tewra gerîlayan bîye. Dima ke aye Rayberê Şarê Kurdî Abdullah Ocalanî ra perwerde girewt tewra karanê sîyasî û rêxistinî bîye û dima erşawîyaye Hewlêrî.
Omer Ozsokmenler (Ozan): Ozan Wêranşar de dadîya xo ra bîyo. 1970 de o Dr. Şivanî reyde derbazê Başûrî beno. Dima ke PDKyî embazê ey qetil kerdî Ozan vera dano. Ozan 1991 de tewrê PKKyî bi. Ey seba ke esîrê PDKyî nêbo Qirkerdişê Hewlêrî de xo ser de bomba teqnaye.
Goreyê qeydanê PKK û ARGKyî kadro û şerwanê bînî yê ke şehîd bîyî wina yê:
Adara mêrdînije, Şevîna wanije, Dîcleya mîdyadije, Roza Mûhammed (Roza Cûdî) ya ke Tirbêspiyê ra bîye,, Guney Geçîlmez (Ronahî), Ronîyo melazgîrtij, Cemîl Agît, Aslan, Farûk, Rûgeş, Reşît, Berxwedan, Ferhat, Şerka, Aram, Nûden, Dilşad Afrîn, Hêjar, Fûad, Mêrxas, Dr. Serhat, Dilovan, Hêvîdar, Şekîf, Sozdar, Zagros, Serkewit, Kendal.
Bînayanê Roj û Welatê Rojê û buroyê MED TVyî de zî 20 kedkarê çapemenîye ameyî qetilkerdene. Nameyê tayê înan wina yê: Mihemed Nadir Gezneyî (Xogir), Azad Mihemed (Kemal), Şiwana Hemelaw (Rêbaz), Îdrîs Alî Mihemed (Azad), Receb Mihemed Salih (Goran), Gelawej Kemal Hesen (Rewşen), Yûsiv Xalid Necîb (Murad), Hamîd Berzencî (Kawa), Îsmaîl Ebdila Kurde, Gelawej Arif Mehmûd (Berxwedan), Şêx Kamîran Hîranî, Mêrxas Serêkanî (Mêrxas), Roza Yûsiv (Roza Cudî), Ciwan Şêxo (Hûner), Serkewt Xaneqînî (Serkewt), Bekir Dogan (Nûman). Çime: ANF
