Îzmîr de bêrê yew keyeyê elewîyan ser o ‘Bitewezîye Elewî’ ame nuştene û nîşanê reykî ame xêzkerdene
Vera hemwelatîyan ê elewîyan gefwendiş û tacîzî dewam kenê. Dêsê keyeyê elewîyano ke Taxa Yeşîlî ya Qezaya Gazîemîrî ya Îzmîrî de yo ser o ‘Bitewezîye Elewî’ ame nuştene û nîşanê reykî ame xêzkerdene.
Kesê ke nasnameyê ci nêno zanitene no nuştê nuşto û keyeyî ke hişyarê nê nuşteyî bî qereqol de gerre kerd la polîsan vat no karê şerxweşan û domanan o û babete ser nêvindertî.
