Hevseroka HDP’a Wanê Yadîşen Karabûlak jî din av de 6 kes hatin girtin
Di 10’ê îlonê de li Wan, Bedlîs, Colemêrg, Amed û Îdirê di serdegirtinên malan de Hevseroka Bajar a HDP’ê ya Wanê Yadîşen Karabûlak jî di nav de 21 endamên Kongreya Civaka Demokratîk (KCD) û Partiya Demokratîk a Gelan (HDP) hatibûn binçavkirin. Hemû kesên ku bihinceta “endamtiya rêxistinê” û “propagandaya rêxistinê” hatibûn binçavkirin, duh piştî karê li Miduriyeta Polisan a Wanê derketibûn Edliyeya Wanê û lêpirsîna wan a li dozgeriyê pêk hatibû.
Îfade ya rojnameger Hamza Ozkan ku li Amedê hatibû binçavkirin birêya SEGBÎS’ê hat girtin. Ozkan piştî îfade dayînê hat berdan.
Hevseroka Bajar a HDP’a Wanê Yadîşen Karabûlak, Hevserokê HDP’a Qelqeliyê Bûrhan Atmaca, Hevserokê HDP’s Payîzavayê Bahattîn Yavûz, Nesîbe Akdag, Hasan Guven, Seyît Kiliç, Abdûllah Keleş, Dîlan Yildiz, Fîkret Dogan, Mehmet Saît Karabiyik, Vahyeddîn Ûca û Îbrahîm Sûngûr bi daxwaza girtinê, Şefîk Ûmmaz, Ertûgrûl Korkmaz, Esra Babûr, Ahmet Karadenîz, Mehmet Rahîm Pekur, Îhsan Yenîgun, Necmettîn Acar û Mûstafa Ozcan jî bi daxwaza kontrola edlî sewqî Dadgeha Cezaya Sulhê ya Wanê hatin kirin.
Ji 20 kesên ku sewqî dadgehê hatin kirin, Hevseroka HDP’a Wanê Yadîşen Karabûlak û rêveberên bajar ên HDP’ê Nesîbe Akdag, Seyît Kiliç, Îbrahîm Sûngûr, Fîkret Dogan û Dîlan Yildiz hatin girtin û 14 kesên din jî bi şertê kontrola edlî hatin berdan. WAN
