Polîsên dewleta tirk duh li Antalyayê di encama serdegirtina malan de 29 kes binçav kirin. Îro jî dest bi îfadegirtinê girtin. 8 kesên ku îfade dan, hatin berdan. Îfadedayîna kesên din jî didome
Di çarçoveya lêpirsîna Serdozgariya Komarê ya Antalyayê de, polîsên dewleta tirk di 6’ê kanûnê de li navçeya Alanyayê bi ser 41 navnîşanên cuda yên aîdê malbatên Dalgiç û Şînîk de girtin. Di encama serdegirtina malan de 29 kes bi îdiayên ‘Endamê rêxistinê ye’ û ‘Piştgiriya aboriyê daye rêxistinê’ hatin binçavkirin.
Welatiyên hatine binçavkirin di serî de birin Midûriyeta Polîsan a Navçeyê. Piştî qedexeya hevdîtina parêzeran a 24 saetan bi dawî bû, duh di saetên şevê de îfadeyên wan hatin girtin û îfadedayîna wan hê jî didome.
Hat zanîn ku ji kesên hatine binçavkirin îfadeyên 8 kesan bi dawî bûn. Her 8 kes jî hatin berdan. Îfadeyên kesên din ên di bin çavan de jî hê jî didome. ANTALYA
