Navenda Nûçeyan |
Gef û êrîşên li ser Şengalê dewam dikin, berxwedana xelkê Şengalê jî hemberî lihevkirina Bexda û Hewlêrê bi biryardarî dewam dike. Kurdistanî û saziyên kurdan ên li Ewropayê jî ji bo Şengalê li qadan in. Sazî û rêxistinên kurdistanî yên li Ewropayê derbarê gef û êrîşên ser Şengalê de daxuyaniyek nivîskî parvekirin.
Di daxuyaniyê de hate ragihandin ku êrîşên li ser Rêveberiya Xweser a Şengalê, êrîşên li dijî YJŞ/YBŞ, Asayîşa Êzidxanê û saziyên îradeya azad a Şengalê, tên wateya êrîşên li ser tevahiya kurd û Kurdistanê û wiha hat gotin: “Di 9’ê Cotmeha 2020’î de li dijî civaka êzidî û warê wan ê pîroz Şengalê, bi hevkariya rejîma faşîst a Erdogan, PDK û hikûmeta Kazimî peymanek hate îmzekirin. Ev peyman ji bo rakirina destketiyên civaka êzidî ji bo rakirina fermaneke nû bû. Tevî nerazîbûna tevahiya civaka êzidî û gelê Kurdistanê jî bi dijwarî xistin meriyetê.”
Di daxuyaniyê de berxwedana 5 mehên dawî ya civaka êzidî û gelê kurd hate bibîrxistin û bang li rêveberiyên Hewlêr-Bexdayê hate kirin ku lihevkirina ne di berjewendiyên civaka êzidî, Kurdistan û Iraqê de ye, betal bikin.
Saziyan destnîşan kirin ku bicihanîna vê peymanê, bicihanîna siyaseta Erdogan û osmanîtiya nû ye û wiha dewam kirin: “Êrîşên li ser Şengalê, bakur, rojava û başûrê Kurdistanê bi armancekê tên kirin, ji hevdu qut nînin. Dewleta tirk bi fetihkirina Şengalê dixwaze tevahiya Kurdistanê fetih bike.”
Di daxuyaniyê de bi navê sazî û rêxistinên kurd berxwedana bi rûmet û dîrokî ya civaka êzidî hate silavkirin û hate gotin ku ew bi hemû hêza xwe li civaka êzidî û berxwedana wan a ji bo rumeta gelê kurd û Kurdistanê derdikevin.
Di daxuyaniyê de bang li gelê kurd û kurdistaniyan hate kirin ku ji bo Şengalê li ser pêya bin û hat diyarkirin ku heta Şengal û civaka êzidî aram û ewle bibin divê rojeva wan Şengal be û hat gotin ku ewlehî û aramiya kurd û Kurdistanê ji Şengalê derbas dibe.
Di dawiya daxuyaniyê de bang li PDK û hikûmeta Hewlêrê jî hate kirin ku dest ji vê siyaseta xwe ya bêoxir berdin û bela xwe ji civaka êzidî û Şengalê berdin û daxuyanî wiha bi dawî bû: “Êdî bes Şengalê û civaka êzidî bikin hedef ji hêzên dagirker re. Tiştên ku hûn bi navê kurdîtiyê dikin ji bo kurd û Kurdistanê rûreşî ye. Dev ji vê rûreşiyê berdin.”
Rêxistin, partî û saziyên kurdistanî yên li Ewropayê yên mohra xwe danîn binê daxuyaniyê:
YNK (Yekitiya Niştimanî Kurdistan)
Tevgera GORRAN
KCDK-E (Kongra Civaka Kurdistaniyan-Ewropa)
TJK-E (Tevgera Jinên Kurdistanê-Ewropa)
Partiya ŞÛÎ Kurdistan Başûr
Kongra Star (Rêxistna Jin li Rojava, Bakur-Rojhilatê Sûriyeyê)
Partiya Zahmetkêşan – Başûr
PADÊ (Partiya Azadî û Demokrasiya Êzidiya)
Tevgera Azadî
PYD (Partiya Yekitiya Demokrat)
P.D.K.S (Partiya Demokrat a Kurdî ya Sûriyeyê)
Partiya Çep a Kurd li Sûriyeyê.
Tevgera Nûjen a Kurdistanî-Sûriye
PÇDKS ( Partiya Çep a Demokrat a Kurd li Sûriyeyê)
Partiya Demokrata Kurd li Sûriyeyê ( El Partî)
Partiya Çep a Demokrat li Sûriyeyê
Partiya Rêkeftin a Kurd li Sûriyeyê
Partiya Çaksaziya Kurd li Sûriyeyê
Partiya Kesk a Kurdistanî li Sûriyeyê
Partiya Demokrata Kurdistanî li Sûriyeyê
Partiya Komanist a Kurdistanî li Sûriyeyê
PÎK (Partiya Îslamiya Kurdistan)
KKP (Partiya Komînîsta Kurdistan)
Tevgera Kawa
PJAK (Partiya Jiyana Azad a Kurdistan)
Yakyatî Şorşgêrî Kurdistan
KODAR (Civaka Demokratîk û Azad a Rojhelatê Kurdistanê)
KJAR (Civaka Jinên Rojhilatê Kurdistanê)
Platforma Horam
Plattform Zagros
Plattform Yarsan
Yarî Kurd
Partiya Dimokrati Pêşvero kurdî Li Sûriyeyê
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewiyên Kurdistan)
NAV – YEK (Federasyona Komelên Êzidiya)
Kurdische Zentrum Berlin
CIK ( Civaka Îslamiya Kurdistanê)
Enstituta Kurdî – Almanya
Enstituta Kurdî – Bruksel
MŞD ( Meclisa Şengal a Derveyî Welat)
YMK ( Yekitiya Mamostayên Kurdistanê)
YES (Yekitiya Êzdiyên Sûriyeyê)
Kurdisch Gemeinde Brandenburg – Berlîn
Dachverband der Êzidischen Frauenräte
DKF (Deutsch-kurdisches Forum) e.V Dresden
Kongreya Gel a Mezopotamyayê
Partiya Azadiyê ya Mezopotamyayê
Kurdistan human rights Association
