Gelek rêxistinên çep ên Arjantinê ji bo piştgiriyê bidin Leyla Guven nameyeke hevpar nivîsandin
Gelek rêxistinên çep ên arjantînî ji bo piştgiriyê bidin Leyla Guven ku ev 78 roj in li dijî tecrîdkirina Rêberê Gelê Kurd Abdullah Ocalan di greva birçîbûnê de ye, nameyeke hevpar nivîsîn.
Name bi îmzeya Alejandro Bodart û Celeste Fîerro yên ji Tevgera Karker Çep-Sosyalîst a Nû, Vîlma Rîpol a ji Tevgera Çep, Gûîllermo Pacagnînî yê ji Koma Çîna Neteweyî ya Neburokratîk hate şandin.
Nameya ku ji bo Guven hate nivîsandin wiha ye:
Ji bo azadî û daxwazên rewa yên girtiyên siyasî yên li Tirkiyeyê, ji Arjantînê em dixwazin piştevaniya xwe ya enternasyonal ji we re ragihînin.
Polîtîkayên zordar ên hikûmeta Erdogan ê dîktator, ne tenê zext û zilmê li gelê kurd û lîderên kurdan dikin, her wiha sîstemeke zordar li gelê tirk jî ferz dike.
Di parastina mafên we yên demokratîk ên hatine desteserkirin de, em bi we re ne û ji dil ve we silav dikin.
