Tevlêbûna ciwanên başûrê Kurdistanê ya di nava refên Berxwedana Rûmetê de her ku diçe zêdetir dibe. Di vê çarçoveyê de koma 10’emîn a ciwanan jî tev li refên berxwedanê bû û bi vê yekê re jî hejmara ciwanên Başûr ên ku tev li refên berxwedanê bûn derket 75’an
Bi destpêkirina êrîşên dagirkeriyê yên dewleta tirk ên li dijî rojavayê Kurdistanê re, ciwanên başûrê Kurdistanê jî ketin nava liv û tevgerê. Di vê çarçoveyê de ji bo tevlêbûna refên Berxwedana Rûmetê bang li hemû ciwanên başûrê Kurdistanê hate kirin. Di vê çarçoveyê de gelek ciwanan bersiv da bangê seferberiyê û tev li refên berxwdanê bûn. Tevlêbûna nava refên berxwedanê her ku diçe jî zêdetir dibe.
Li gorî agahiyan, koma 10’emîn a ciwanên başûrê Kurdistanê jî bi armanca şerê li dijî dagirkeriya dewleta tirk û çeteyên wê, derbasî rojavayê Kurdistanê bû û tevli refê Berxwedana Rûmetê bûn.
Bi vê yekê re jî bi qasî ku tê zanîn, hejmara ciwanên ji başûrê Kurdistanê yên ku ji 9’ê cotmehê ve tev li refên Berxwedana Rûmetê bûn derket 75 kesan.
Hat gotin ku hejmareke zêde ya ciwanan jî bi înîsiyatîfa xwe derbasî rojavayê Kurdistanê bûn û tev li refên Berxwedana Rûmetê bûne.
