Li başûrê Kurdistanê koma 9’emîn a ciwanan jî li dijî êrîşên dewlet tirk ên li ser Rojava berê xwe dan Rojava û tev li ‘Berxwedana Rûmetê’ bûn
Hêrsa gelê başûrê Kurdistanê li dijî êrîşên dagirkeriya dewleta tirk ên li ser rojavayê Kurdistanê her diçe mezintir dibe. Ji bilî xwepêşandan, boykotkirina malên tirk û daxwaza derxistina hêzên dewleta tirk ên li başûrê Kurdistanê, ciwan jî pêl bi pêl berê xwe didin Rojava.
Koma 9’emîn a ciwanên Başûr li dijî êrîşên dewleta tirk tev li ‘Berxwedana Rûmetê’ bûn.
Piştî ku dewleta tirk a dagirker di 9’ê Cotmehê de dest bi êrîşên xwe kirin, ciwanên Başûr jî seferberî îlan kir. Heta çend roj beriya niha 8 kom çûn Rojava û tev li ‘Berxwedana Rûmetê’ bûn.
Herî dawiyê jî koma 9’emîn çû Rojava. Hat gotin ku li gel koma 9’emîn hejmara ciwanên ku tev li ‘Berxwedana Rûmetê’ bûne derket 70 kesî.
Hat destnîşankirin ku gelek ciwan jî bi înîsiyatîfa xwe diçin Rojava, lewre hejmar gelekî zêdetir e.
