Ji ber qeyrana aborî kesekî ku got ew nikare fatûreyên xwe bide hewl da li Qada Kizilayê xwe bi şewitîne
Li Tirkiyeyê ji ber polîtîkaya dewlet û hikumetê aborî serobin bû. Qeyrana abiriyê ya ku li Tirkiyeyê kûr bûye bi taybetî piştî hilbijartinê xwecihî hatiye asta ku civak li heberî vê desthilatiyê rabe ser piyan. Êdî kes nikare debara xwe bike û ji ber vê yekê jî derûniya civakê xirabûye.Hat hînbûn ku kesekî ku navê wî nehat zanîn li Qada Kizilay a Enqerê xwest xwe bişewitîne. Li gorî agahiyên şahidên bûyerê, kesê ku navê wî nehat zanîn û xwestiye xwe bişewitîne, fatûreyên di destên xwe de nîşandan û gotiye; “Ez nikarim fatûreyên xwe bidim, êdî nikarim debara xwe bikim” û xwest xwe bi şewitîn. Polîs û ekîbên agirkujê ev kes asteng kirin û ji cihê bûyerê dûr xistin. ENQERE
