Welatiyên qurbaniyan difiroşin, bi nêzîkbûna Cejna Qurbanê re sewalên ji bo quraniyan derxistin bazarê. Lê her çend roj ji Cejna Qurbanê re mabin jî, ji ber krîza aborî kes eleqeyê nîşanî qurbaniyan nadin û qurbanî nayên firotin
Ji bo Cejna Qurbanê 7 roj man. Her sal beriya cejna qurbanê 10-15 roj berê qurbanî li qadan dihatin firotin. Lê îsal ji ber krîza aborî li gorî salên borî zêde nayên firotin. Kesên qurbaniyan dikirin ji ber buhabûnê nikarin qurbaniyan bikirin.
Ji ber kes qurbaniyan nakirin dereng qurbanî derxistin piyasê. Li Wanê jî li bazara sewalan (mazat) ji ber kurbanî nayên firotin firoşkerên qurbanan nikarin qurbaniyan bifiroşin. Firoşkerên qurbaniyan diyar kirin ku îsal qurbaniyê wan nayên firotin û di destê wan de dimînin. Firoşkerên qurbaniyan diyar kirin ku ji ber krîza aborî sewalên wan di destê wan de dimîne û nikarin bifiroşin.
Firoşkarê qurbaniyan Omer Turunç anî ziman ku hem buhayê mazotê zêde bûye û hem jî êmêm sewalan buha bûye û wiha got: “Malê ku em distînin li gorî sala par ji sedî 100 zem bûye. Sebebê vê yekê AKP bi xwe ye. Ji ber krîza aborî êdî kes qurbaniyan nakire.”
Firoşkerê qurbaniyan Haci Şukru Aslan jî anî ziman ku ji ber zozan hatine qedexekirin sewal jî buha bûne û wiha got: “Sedema qedexeyan şer e. Îro dewar herî kêm bi 3 hezar TL tên firotin. Buhoyê torbê êm bûye 100 TL. Sala par me qurbanî bi 5 hezar TL difirot. Îsal em bi 3 hezar tl difiroşin. Dewarê sala par me bi 10 hezar tl difirot jî îsal em bi 8 tl difiroşin. WAN
