Malbata Beçet ji bo keça xwe Ayten Beçet a li Girtîgeha Gebze bi armanca tercîdkirina Rêberê Gelê Kurd Abdullah Ocalan şermezar bike çalakiya canbexşane pêk anî û şehîd bû, mewlûd da xwendin
Malbata Beçet a keça wan Ayten Beçet li Girtîgeha Tîpa M a Gebze ya Kocaeliyê li dijî tecrîdkirina Rêberê Gelê Kurd Abdullah Ocalan di 22’ê adarê de bi çalakiyeke canbexşane şehîd bû, mewlûd da xwendin. Di bernameya mewlûdê de parlamenterê HDP’ê Mahmut Togrul, Siddik Taş, Hevserokê KESK’ê Mehmet Bozgeyîk, endam û rêverên HDP’ê yên Dîlok û Rihayê, Dayikên Aştiyê û gelek kesên din tev li bûn. Ewil Parlamenter Togrul, Dayik Fatma Beçet û endamên malbate çûn ser goristana Yeşîlkentê û gora Beçet ziyaret kirin. Li ser gora Beçet wêneyê “Ayten Beçet nemir e” daliqandin. Piştî mewlûd bi kurdî xwendin, nameya ku Ayten Beçet li pey xwe hiştibû xwendin. Piştre xwarina ku Dayikên Aştiyê amade kiribûn li mêvanan belav kirin. Malbatê diyar kirin ku ji îro şûnde dê mala şînê rakin û sersaxiyê li malê qebûl bikim. DÎLOK
