Gelê kurd û dostan wan di 10’ê cotmeha 2023’yan de li 74 navendên cihanê pêngava “Ji Abdullah Ocalan re azadî ji pirsgirêka kurd re çareseriya siyasî” dan destpêkirin. Di 1’ê adarê de qonaxa duyemîn a pêngavê destpê kir. Ji her derê cihanê kesayetên navdar û zanist piştgiriyê didin pêngavê. Rewşenbîrên ereb jî bi awayekî çalak tevlî xebatên pêngava azadiyê bûne, nerînên xwe anîn ziman.
Helbestvan Mihemed El Mehmûd diyar kir ku garantiya aştî û aramiya Rojhilata Navîn bi azadiya Rêber Abdullah Ocalan e û destnîşan kir ku heta azadiya fîzîkî ya Rêber Abdullah Ocalan divê asta têkoşînê di hemû qadên leşkerî, siyasî û civakî de bên bilindkirin.
El Mehmûd destnîşan kir ku bêyî zextên raya giştî armanc pêk nayê, ji ber ku sazî û dezgehên hiqûqî yên navneteweyî dest ji erkên xwe yên bingehîn ên pêkanîna edalet û demokrasiyê berdane û wiha got: “Zêdebûna zexta giştî ya civakan wê neçar bike. Divê aliyên berpirsyar li gorî qanûnên xwe tevbigerin û azadiya fîzîkî ya Rêber Abdullah Ocalan pêk bînin.”
Nivîskar Ehmed El Sayir destnîşan kir ku ji bo azadiya fîzîkî ya Rêber Abdullah Ocalan zextên raya giştî, pêşxistina agahî û têgihîştina rastiya komployan pêwîst e. El Sayir da zanîn ku fikrên Rêber Abdullah Ocalan hişt ku gelên Bakur û Rojhilatê Sûriyeyê bigihêjin azadiya xwe û wiha axivî: “Divê gel li hemberî komplo û tecrîda giran a 3 sal in li ser Rêbertî berdewam dike, bêdeng nemîne.”
