Li Taxa Hasirli ya navçeya Sûr a Amedê di navbera salên 2015-2016’an de gelek şerên dijwar di navbera dewleta tirk a dagirker û ciwanên kurd ên berxweder de qewimîn. Li wê derê ew 5 sal in xebatên kolandinê didome. Roja 7’ê sibatê di dema kolandinê de rastî cenazeyekê hatibû û tê texmînkirin ku cenaze ayîdê Hakan Arslan ê ku di dema şer de şehîd bibû ye. Ji bo cenazeyê serdana Serdozgeriya Komarê ya Amedê hat kirin.
Cenaze ku di dema xebatê kolandinê ya di navbera Dêra Katolîk û Mizgefta Hasirli de hat dîtin rakirin morga Saziya Tiba Edlî (ATK).
Li gorî agahiyên ku malbata Hakan Arslan dayî Arslan jiyana xwe ji dest daye û li kêleka Mizgefta Hasirli hatiye veşartin. Her çiqasî ev 5 sal in ji bo peydakirina cenazeyê zarokê xwe di nava hewldanan de bin, lê nekarîne peyda bikin.
Bavê Hakan Arslan, Alî Riza Arslan ku îhtîmal dide cenazeyê li Sûrê hatî dîtin ê kurê wî be, bi rêya parêzerê xwe bi daxwaznameyeke nivîskî ji Serdozgeriya Komarê ya Amedê re serlêdan kir. Serdozgerî ji bavê Arslan re ragihand ku ji bo tespîtkirina nasnamê hevce nake ku dubare testa DNA’yê bide, ya sala 2016’an dayî hê derbasdar e.
Bav Alî Riza Arslan ku serdana Buroya Amedê ya Saziya Mafê Mirovan (ÎHD) kirî diyar kir ku ew ji bo diyar bibe bê ka cenaze yê kurê wî ye yan na, li benda encamên DNA’yê ye. AMED
