Ajansa fezayê ya Hîndistanê amadekariyan dike ku fuzeya Chandrayaan-2 bişîne fezayê. Tê payîn ku fuze di 6’ê îlonê de xwe li heyvê deyne
Ajansa fezayê ya Hîndistanê amadekariyan dike ku fuzeya Chandrayaan-2 bişîne fezayê. Hindistan wê bibe welatê çaremîn ku amûrekê bişîne ser heyvê. Beriya niha Amerîka, Rûsya û Çînê ev yek pêk anî bûn.
Ji bo Hindistan vê armanca xwe pêk bîne demeke kurt maye. Ajansa Fezayê ya Hindistanê (Indian Space Research Organisation, Isro) di 12’yê hezîranê de daxuyaniyek da û ragihand ku ji bo keşfa li ser heyvê dê di sibeha 15’ê tîrmehê saet 02:51’an de fuzeyekê bişînin.
Çapemeniya hînt dîmenên fuzeya nû û amûran weşand. Li gorî ajansa fezayê, amûra fezayî dê di 6’ê îlonê de dakeve ser heyvê. Tê payîn ku wêneyên destpêkê jî piştî 15 deqeyan bigihêjin dinyayê.
Mîsyona ku navê Chandrayaan-2 (Amûra Heyvê) lê hatiye kirin, armanca herî mezin a Hîndistanê ya der barê fezayê de ye.
Isro’yê sala 2014’an sondayeke fezayî şandibû dora gerstêrka Marsê. Sala 2008’an amûrek şandibû dora heyvê. Amûra ku diviyabû du salan li dora heyvê tevbigeriya bi ser neket û deh mehan tevgeriya. DELHÎ YA NÛ
