Di 12`ê çileyê de li Qamişloyê Însiyatîfa Gel a Bakur û Rojhilatê Sûriyê ragihandibû ku ew tev li hemleya derxistina navê PKK`ê ji “lîsteya terorê” dibe. Her wiha diyar kiribû ku ji bo hemleyê dê çalakiyên domdar li sazî û rêxistinan li dar bixe û îmzeyan kom bike.
Partiya Yekitiya Demokrat (PYD) îro bi daxuyaniyekê encamên hemleya li navçeya Çilaxa ya kantona Qamişloyê aşkere kirin. Endama rêveber a Nivîsgeha PYD`ê ya li navçeyê Fatme Meşel daxuyanî xwend.
Di daxuyaniyê de wiha hat gotin: “Di çarçoveya hemleya derxistina navê PKK`ê ji “lîsteya terorê”, gelek çalakî li Çilaxa hatin organîzekirin.
Di encama serdanên 53 gundên navçeyê de 16 hezar û 284 îmze hatin komkirin. Em bang dikin ku ji bo derxistina navê PKK`ê ji lîsteya terorê têkoşîn were mezinkirin. Ji ber ku ev partî ji bo pêkanîna jiyana hebeş, wekheviya gelan, azadî û wekheviyê têdikoşe.”
