Bi armanca rakirina tecrîda li ser Ocalan, bi pêşengiya Kongreya Star li Serêkaniyê 110 kesan dest bi çalakiya greva birçîbûnê ya 3 rojan kir
Ji bo şermezarkirina tecrîda girankirî ya li ser Rêberê Gelê Kurd Abdullah Ocalan û piştgiriya çalakiya greva birçîbûnê ya bêdem û bêdorveger ku hevseroka Kongreya Civaka Demokratîk (KCD) û parlamentera HDP’ê ya Colemêrgê Leyla Guven ji bo rakirina tecrîdê daye destpêkirin, bi pêşengiya Kongreya Star a Serêkaniyê bi tevlêbûna 110 kesan çalakiya greva birçîbûnê hate destpêkirin.
Çalakiya greva birçîbûnê ku bi dirûşma ‘Bi giyanê berxwedana girtîgehan em ê tecrîdê bişikînin’ hate destpêkirin dê 3 rojan berdewam bike. Konê çalakiyê bi wêneyên Leyla Guven, Ocalan, alên Kongreya Star, HSD, YPG û YPJ’ê hate xemilandin.
Di çalakiyê de rêvebera Kongreya Star a Kantona Hesekê Zeyneb Mirad axivî û diyar kir ku ji bo piştgiriya Leyla Guven çalakî dane destpêkirin. Mirad got ku Leyla Guven bi israr û îradeya xwe zindana Amedê şikand û wiha domand: “Niha jî li derveyî girtîgehê berxwedana xwe berdewam dike heta ku daxwazên wê pêk bên. Em amade ne tiştên ji me tên xwestin pêk bînin da ku tecrîda li ser Rêber Ocalan bi dawî bibe.”
Serdanên şêniyan ên çalakiyê berdewam in. HESEKÊ
