ÎHD’a Stenbolê di hefteya 86’emîn a Komkujiya Roboskî de 34 kesên jiyana xwe ji dest da bi bîr anî û daxwaza edaletê dubare kir
Komîsyona Heqîqet û Edaletê ya Komeleya Mafên Mirovan (ÎHD) a Stenbolê bi daxuyaniyek nivîskî 34 kesên di Komkujiya Roboskî de jiyana xwe ji dest dan di hefteya 86’emîn de bi bîr anî. ÎHD’ê da zanîn ku tevî di dema derbas bûye de jî malbatên Roboskî lêgerîna xwe ya ji bo edaletê didomînin û wiha got: “Dewletê ji bo edaletê gav neavêt û malbat jî dest ji daxwaza xwe ya edaletê bernedan. Zext li ser malbatan tê kirin û doz li wan tên vekirin. Malbat hatin binçavkirin û girtin. Ser bûyerê girtin û faîlan niximandin. Bi reşkirina delîlan dixwazin carek din birîna bûyerê vekin. Dadgeha Mafên Mirovan a Ewropayê serlêdana malbatên Roboskî betal kir. Wek komkujiyên bêhejmar ên din, carek din daxwaza edaletê radestî tarîtiyê kirin. Bila sûcên li dijî mirovahiyê bên ronîkirin û faîl bên darizandin. Em ji bo Roboskî edaetlê dixwazin.” STENBOL
