Der barê Xwediya Îmtiyazê ya Gazete Karincayê rojnameger Necla Demîr a bi hinceta nûçeyên li ser Efrînê weşandine û bi îdiaya ‘propagandaya rêxistinê’ doz hat vekirin. Ji bo Demîr 13 sal cezayê girtîgehê tê xistin
Buroya Lêpirsîna Çapemeniya Serdozgeriya Komarê ya Stenbolê, di encama lêpirsîna der barê Derbarê Xwediya Îmtiyazê ya Gazete Karincayê rojnameger Necla Demîr bi rê ve bir de, îdianemeyek amade kir. Îdianameya bi îdiaya ‘propagandeya rêxistinê’ hat amadekirin, ji aliyê 33’yemîn Dadgeha Cezayê Giran a Stenbolê ve hat qebûlkirin. Di îdianameyê de ji bo Demîr 13 sal ceza tê xwestin.
Derket holê ku lêpirsîn di çarçoveya îxbareke ku ji e-maila Nevenda Ragihandina Serokwezîr (BÎMER) a di 21’ê çileya 2018’an de hatî şandin de, hatiye vekirin. Di îxbara e-maila hatî kirin de, hatiye îdiakirin ku Gazete Karinca ‘Berdevkiya PYD/PKK’ê dike.
Dê bê darizandin
Midûriyeta Polîsan a Stenbolê li ser vê e-maila îxbarê di 8’ê gulana 2018’an de, der barê Xwediya Îmtiyazê ya Gazete Karincayê Necla Demîr de fezleke amede dike. Demîr bi sûcdariya nûçe û roportajên der barê operasyona li dijî Efrînê ya di 20’ê çileya 2018’an servîs kirin dê bê darizandin. STENBOL
