Navenda Nûçeyan |
29 sazî û partiyên kurdistanî yên li Ewropayê, ji bo peymana Bexda-Hewlêrê ya li ser Şengalê bê betalkirin û xwedî li Şengalê bê derketin, nameyeke hevpar nivîsîn.
Di nameyê de ku ji bo wezîrên karên derve yên DYE, Fransa, Almanya, Iraq û Îngilistanê û Nûnertiya Neteweyên Yekbûyî ya Iraqê re hate nivîsandin, tirs û fikarên li ser Şengalê hatin vegotin.
Name wiha ye:
“Bi navê sazî û partiyên kurdistanî yên li Ewropayê kar dikin, têkildarî rewşa heyî û paşeroja Şengalê em bi fikar in ku Şengal ji bo êzidiyan cihekî stratejîk e. Piştî qirkirina ku çeteyên DAIŞ’ê sala 2014’an li dijî êzidiyan kir, em li bendê bûn ku wê guhertineke bingehîn a perspektîfî bê kirin.
Mixabin em dibînin ku hikûmetên Bexda û Hewlêrê dersek ji vê qirkirinê dernexistine û nêrîna wan a li êzidiyan jî neguheriye.
Peymana navbera Bexda û Hewlêrê, îrade, destketî û saziyên demokratîk ên civaka êzidî ji nedîtî ve tê, şert û mercên ku bûne sedema qirkirinê ji nû ve ferz dike. Ev peymana ku bêyî bi êzidiyan bê şêwirandin hate amadekirin, li nava civaka êzidî bi tu awayî rewa nîne, derbasdar nîne. Ji bo êzidiyan pêwîstî rêveberiyeke demokratîk a hevpar heye ku statuya êzidiyan lê xweser be û karibin xwe bi xwe biparêzin. Çareserî tunekirina destketiyên heyî nîne, çareserî parastin û mayindekirina derfet û saziyên heyî ye.
Pêwîstî bi Êzidxaneke welê heye ku ji nû ve ava bûye, êzidî lê vegeriyane, xwedî rêveberiyeke piralî û demokratîk, bi cîranên xwe re di nava aştî û xweşbîniyê de ye.
Di encama gefên Erdogan de ku li Rojhilata Navîn piştgiriya hemû rêxistinên cîhadîst dike, hikûmetên Hewlêr û Iraqê bi zorê di bi navê ‘qanûn û sîstema dewletê’ de hewl dide dest deyne ser îradeya êzidiyan ku ev yek ji bilî piştgiriya ji bo siyaseta qirkirinê nayê tu wateyê.
Daxwaz û rica me ji we ew e ku di vê mijarê de derfetên xwe bi kar bînin, bandoreke erênî li hikûmetên Bexda û Hewlêrê bikin û tevkariyê li peydakirina çareseriyeke hevpar a bi nûnerên civaka êzidî re bikin.”
Sazî û partiyên ku mohra xwe danîne binê nameyê wiha ne:
YNK (Yekitiya Niştimanî ya Kurdistanê)
Tevgera Gorran
KCDK-E (Kongreya Civaka Kurdistaniyan-Ewropa)
TJK-E (Tevgêra Jinên Kurdistanê-Ewropa)
Partiya ŞÛÎ ya Kurdistana Başûr
Kongreya Star (Rêxistna Jinên Rojava, Bakur-Rojhilatê Sûriyeyê) Europe
Partiya Zahmetkêşan – Başûr
PADÊ (Partiya Azadî û Demokrasiya Êzidiyan)
Tevgera Azadî
PYD (Partiya Yekitiya Demokrat)
P.D.K.S (Partiya Demokrat a Kurdî ya Sûriyeyê)
Partiya Çep a Kurd a Sûrî
Tevgera Nûjen a Kurdistanî-Sûrya.
PÇDKS (Partiya çep a Demokrat a Kurd li Sûriyeyê)
Partiya Demokrat a Kurd li Sûriya( El Partî)
Partiya Çep a Demokrat li Sûriya.
Partiya Rêkeftina Kurd a Sûriyeyê
Partiya Çaksaziya Kurd a Sûriyeyê
Partiya Kesk a Kurdistanî ya Sûriyeyê
Partiya Demokrata Kurdistanî li Sûriyeyê
Partiya Komanist a Kurdistanî ya Sûriyeyê
PÎK (Partiya Îslamî ya Kurdistanê)
KKP ( Partiya Komînîst a Kurdistanê)
Tevgera Kawa
PJAK (Partiya Jiyana Azad a Kurdistanê)
Yakitiya Şorşgerî ya Kurdistanê
KODAR (Civaka Demokratîk û Azada Rojhilatê Kurdistanê)
KJAR (Civaka Jinên Rojhilat a Kurdistanê)
Platforma Horam
Plattform Zagros
Plattform Yarsan
Yarî Kurd
Partiya Demokrat a Pêşverû ya Kurdî ya li Sûriyeyê
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewiyên Kurdistanê)
NAV – YEK (Federasyona Komelên Êzidiyan)
Kurdische Zentrum Berlin
CIK ( Civaka Islamî ya Kurdistanê)
Enstituta Kurdî – Almanya
Enstituta Kurdî – Bruksel
MŞD ( Meclisa Şingal a Derveyî Welat)
YMK ( Yekitiya Mamostayên Kurdistanê)
YES (Yekitiya Êzdiyên Sûri)
Kurdisch Gemeinde Brandenburg – Berlîn
Dachverband der Êzidischen Frauenräte
DKF (Deutsch-kurdisches Forum) e.V Dresden
Kongreya Gel a Mezopotamya
Partiya Azadiyê Mezopotamya
Kurdistan human rights Association”
