7 welatiyên Gundê Babexê yên Navçeya Hênê ku rastî îşkenceyê hatin û bi angaşta “polîs kuştine” hatin girtin, derketin pêşberî dadgehê. Di danişîna yekem de welatiyek hat berdan
Di 17’ê kanûna 2018’an de li nêzî gundê Babexê yê Hênê ya Amedê, kesên di maşîneya ku polîsan dabû ser pişta wan, li maşîna polîsan gule barandin û polîs Nazim Tuncer miribû. Piştî bûyerê 7 gundiyên Babexê hatin girtin. Danişîna doza Abdulmuttalîp Yildirim, Îbrahîm Narîn û kesên ku bi rapora edlî hat diyar kirin ku rastî lêdanê hatine Alî Îhsan, Abdulsamet, Ayhan, Tuncay û Behçet Opçîn ên bi angaşta “alîkarî dane rêxistinê” li 5’emîn dadgeha Cezayên Giran a Amedê hat dîtin. Bersûcan parastin kirin û angaştên der barê xwe de red kirin. Girtiyan xwestin serbest bên berdan.
Heyeta dadgehê piştî navber da danişîna dozê der barê Behçet Opçîn de biryara berdanê da û ji bo bersûcê din jî biryara berdewama girtinê da.
Heyetê danişîna dozê taloq kir. AMED
